بانک کتاب طراحی فروشگاه اینترنتی ویزای کانادا سگ هاسکی سگ پامرانین بانک کتاب تور ترکیه تور روسیه نت پیانوی آهنگ بوی پیراهن یوسف ویزای ترکیه > ثبت لینک <
بستن تبلیغات [X]
گلچین نغمه های غم 12

نت پیانو نت ویولن نت سنتور نت گیتار

دولانور علی قیزی مقتلی قان ایچنده بیر بدن آختارور


کوچ از قتلگاه

كلامی زنجانی


دولانور علی قیزی مقتلی
قان ایچنده بیر بدن آختارور
یولون اوسته قافله لنگ اولوب
باجی قارداشا کفن آختارور


الی باشدا دورت طرفه قاچور
قییدور چوخور یره باش ورور
بو نه یردی دخت ابوتراب
قدمین ترابه یواش ورور
یادینا او صحنه دوشوبدی که
هامی بیر یارالیه داش ورور
پوزولوبدی گلشن آرزو
گُلی بلبل چمن آختارور


دیور الله عزّت هماسینون
ندن آشیانه سی قالمیوب
قولی باغلی قوشلارینون ایوی
تالانوبدی لانه سی قالمیوب
سویولوب وجودی حسینیمون
باشی یوخ نشانه سی قالمیوب
گورورم هرایه آنام گلوب
اودا قانلی پیرهن آختارور


یورولوب اوتوردی یره دیدی
آلوب عطرون اودلانورام حسین
بو قدر که داش توکولوب بورا
گئچه بولمورم یانورام حسین
بدنون نماسی پوزولسادا
گینه من سنی تانورام حسین
منی سن چاغور یریوی باجون
ایتیرور دوباره دن آختارور


حرکت زمانی غم اهلینه
یارانوبدی غصّه لی منظره
اوزینی چمنده هر عندلیب
یتوروبدی بیر گل پرپره
آنالار سرود وداع اوخور
بیری قاسمه بیری اکبره
ایله بول رباب ایتوروب اوزون
الی باشدا سودامن آختارور


اسرای خسته ی نینوا
هامی دلده آه و نوا گیدور
آنادی باشندا قرا گیدور
باجیدی اورکده یارا گیدور
دوزولوب نظامه کجاوه لر
شهدا قالور اسرا گیدور
دولودی اورکلری دردیلن
ولی خلوتْ انجمن آختارور


گیدوری سکینه یواش یواش
یوزینون اوزین یووا علقمه
دیه شرح حالینی مو به مو
سویانندا صاحب پرچمه
عمو جان دور اللریوه فدا
کمک ایله غصّه لی عمّه مه
چاغیرور هرایه بیبیم سنی
گوزی یولدادی گلن آختارور


اولوب اهل بیته زمانه تار
حرمون سونوبدی چراغلاری
بالا قیزلار ایستوری ناقیه
مینه لیک تیترور ایاقلاری
کیمه میهمان گیدور ای خدا
گوزی یاشلی کوفه قوناقلاری
گوره سن مدینه هایاندادور
گوزی زینبون وطن آختارور:leaves::palm_tree::leaves::palm_tree::leaves::palm_tree::leaves::palm_tree::leaves::palm_tree::leaves::palm_tree::leaves::leaves::palm_tree::leaves:


بازدید : 1

[ دوشنبه 20 آذر 1396 ] [ 8:24 ] [ اسماعیل عبادی ]
[ ]

اماندی یاتما اویان حسین شامه یولانور زینب

اماندی یاتما اویان حسین
شامه یولانور زینب
دوشنده گوز قانلی باشیوه
اوت توتوب یانور زینب



حرملرون باغلانوب اخا قول قولا طنابیله
نفس چکور خیردا قیزلارون خوف و اضطرابیله
اَقلّی لطف ایله بیر دانیش هَمسرون ربابیله
اولوبدی ذکری اوغول علی – گور نه اوتلانور زینب


دوشوبدی درد و بلالره بو باشیم خدا حافظ
دونوبدی قانه اینان حسین گوزیاشیم خداحافظ
بو سن بو کربوبلا چولی قارداشیم خداحافظ
قدم گوتوردوخجه ناقه لر نه اَلولانور زینب


هُمای دین سن سینوب سنون شهپرون باجون ئولسون
قالوبدی تپراقلار اوسته بو پیکرون باجون ئولسون
نه باش قالوب پیکرونده اللرون باجون ئولسون
هایاندادی باشون اللرون هی سُراخلانور زینب


بو گل جنازه سنونکیدی دشمن ایلیوب پر پر
ائدوبدی قمچی یارالاری اهل بیتیوی مضطر
قولاخ یارالی بدن یارا ؛ ال ایاق یارا یکسر
بو وضعیله کوفیه گئدور قلبیدن یانور زینب


سولوبدی گلزاریون بهاری گئدور باجون زینب
یولا دوشوب درد و غم قطاری گئدور باجون زینب
بو سن بو کربوبلا دیاری گئدور باجون زینب
قدم قدم لحظه لحظه سنن اوزاخلانور زینب



بازدید : 1

[ دوشنبه 20 آذر 1396 ] [ 8:22 ] [ اسماعیل عبادی ]
[ ]

الامان بابا من سنه فدا گور اسیر اولوبدور ناتوان سکینه

الامان بابا من سنه فدا
گور اسیر اولوبدور ناتوان سکینه
خیمه میز یانوب قلبیم اودلانوب
غنچه وش سولوبدور باغریقان سکینه
سندن اوزگه بیرجه دادخواهیمیز یوخ
بو بلالی چولده بیر پناهیمیز یوخ




شمر بیحیا غافل از خدا
باشیمه ستملن قمچیلر ویروبدور
آلدی معجریم زیب و زیوریم
سیلیدن گوزیمی بسکه قورخودوبدور
یوخ مروتی واردی نخوتی
چوخ تکبریله گور نجه دوروبدور
طاقت و توان یوخدی قورخیدان
شمر الیندن ایلر الامان سکینه



بو قدر یارا کیم ووروب بابا
جسم نازنینون چاک چاک اولوبدور
یوخ داخی کفن بیرجه دفن ائدن
جسموون حنوطی قانلی خاک اولوبدور
غملی دخترون طفل مضطرون
کثرت محندن دردناک اولوبدور
چوخدی غملری یوخدی معجری
تا سنه ائدیدی سایه بان سکینه



نعشیوه نظر قیلّام هر قدر
سینون اوسته گورّم زخم و نیزه و اوخ
بسکه اوخ دگوب یاره چوخ دگوب
پیکرونده اصلا بیرجه صاف یرون یوخ
بو دیار آرا یوخدی برملا
بیر نفر معینون واردی دشمنون چوخ
زار خونجگر ابر تک توکر
دیده دن سرشک خونفشان سکینه



من یتیمی سن ای شه زمن
لطفیله اماندور بیرجه آل قوجاقه
دشمنان دین فرقۀ لعین
ایلیوبلر آخر مبتلا فراقه
بو مصیبتون درد فرقتون
گوگلومی سالوبدور اوزگه اشتیاقه
بو قدر غمی بیله موسمی
ائتمزیدی هرگز بیر گمان سکینه



قانیلن دولوب لاله زار اولوب
خون اطهروندن کربلا دیاری
قویسا گر عدو قوم کینه جو
قالّام اوز یانوندا قیلّام آه و زاری
حکم ائدوب گئده عزم کوچ ائده
کوفۀ خرابه ایندی غم قطاری
مانع اولماسا قوم اشقیا
فرقتوندن آغلار هرزمان سکینه



بازدید : 0

[ دوشنبه 20 آذر 1396 ] [ 8:22 ] [ اسماعیل عبادی ]
[ ]

امیر لشگر عشق دلاوریم گوزون اچ

«زبانحال امام بر بالین علمدار کربلا»

کربلایی رحیم شایان

سبک : ای آسمان غمون ...


امیر لشگر عشق دلاوریم گوزون اچ
حسینه ایله نظر برادریم گوزون اچ
مشگون یوخ علمونده
صاف یر یوخ بدنونده
اللر یوخدی تنونده


ابالفضلیم ابالفضلیم(۲)


ستملن ایله دیلر اوقوللاریوی قلم
بو حالی گورسه گیدر امید اهل حرم
گوزلردن اخوری یاش
اوخ گوزده ازیلیپ باش
پوزدون سن منی قارداش

ابالفضلیم ابالفضلیم(۲)




منه عدو گولوری یوخومدی چاره اخا
سو یوخدی عیب ائلمه ز یارالی دور ایاقا
اصغردن خجل اولما
گول مثلی بئله سولما
قارداشیم بئله دولما

ابالفضلیم ابالفضلیم(۲)


صفای قلب حسین طراوتیم سنیدون
بئلیم سنیبدی اخا که قدرتیم سنیدون
دل داغلی ای ابالفضل
قول باغلی وای ابالفضل
ای حالی زای ابالفضل

ابالفضلیم ابالفضلیم(۲)




دوتوبدی قان گوزووین تماما اغ قاراسین
معطلم که ئوپوم جمالیوین هاراسین
اماری یاراوین یوخ
جسموندی باشاباش اوخ
قوللار یوخ محنین چوخ

ابالفضلیم ابالفضلیم(۲)


همای قاف ادب وزیر دولت عشق
بنا قویوبسان عجب گوزل عمارت عشق
دلخونم محنوندن
بو غملی سخنوندن
اوضاع بدنوندن

ابالفضلیم ابالفضلیم(۲)




دگوبدی آهن عمود باشین یوزون داغیلیب
ووروبلار آننیوا تیر گوزل گوزون داغیلیب
ای نور بصریم دورای
ای باتمیش قمریم دور
وای سیندی کمریم دور

ابالفضلیم ابالفضلیم(۲)


بو مقتلوندن اخا گلور شمیم بتول
آنام اوغوللوقونا سنی ائدیبدی قبول
زهرانون گوزل اوغلی
پاک و بی بدل اوغلی
ای شیر جمل اوغلی

ابالفضلیم ابالفضلیم(۲)



بازدید : 1

[ دوشنبه 20 آذر 1396 ] [ 8:21 ] [ اسماعیل عبادی ]
[ ]

عشق سرگردان قالار عشق ابوالفضل اولماسا


شجاعت

ابوالفضل فرهنگی


عشق سرگردان قالار عشق ابوالفضل اولماسا
واژه لر پنهان قالار مشق ابوالفضل اولماسا

معصیتده غرق اولار امت ابوالفضل اولماسا
گون به گون گوزدن دوشر غیرت ابوالفضل اولماسا

هانسی مجلسده اگرذکر اولماسا زیبا آدی
مُستَمِع روحیه تاپماز مجلسون اولماز دادی

رشته مهری قیریلماز ، محکم وپیوسته دی
شیعه لر مین دورد یوز ایلدور عشقنه وابسته دی

سینه زنلر شوره گلدوکجه دیللّر جان آقا
غیرتون قربان ابوالفضل ، عشقوه قربان آقا

عشق عباس اولماسا عاشق مسیریندن دونر
مشعل پرنور حریت اورکلردن سونر

پاک وبا تقواخانملار اورگدر اولادینی
اولیندن عاشق عباس ایدر نوزادینی

عشقنون مستحکم ایلر گوزیاشیلا پایه سین
اهلبیته وقف ایدر الده اولان سرمایه سین

قنداقین بندین دوتار، عباس آدین سسلر بَلر
صود ویرر،غیرت قانی گهواره ده جوشه گلر

باصلابت بَسلنرپرورده احساس اولار
تا ئولونجه نوکر شایسته عباس اولار

هانسی عباس ، اُول ابوالفضلی که شهدن دویمادی
گچدی جانیندن ولی جانانینی تک قویمادی

شاه دین اوندا که سوندوردی خیامون مشعلین
سویلدی ای یاوران دین سیزه قربان گلون

سینه ده حبس ایتمیون دای بسدی سوزآهوزی
گورسدیم بیربیر گورون جنتده جایگاهوزی

چیکدیلر صف باخدیلار، ماه منوردن صورا
گوردولر جنّاتی ، عباس ابن حیدردن صورا

یوز دولاندوردی ابوالفضله حسین تشنه لب
ایتدی فرمایش ندن بس باخمادون ای باادب

سویلدی مولا بو عشقیم ، سرنوشتیمدور منیم
نورِ رخسارون حسین والله بهشتیمدور منیم

صبح عاشورا آچلدی لشکره سان ویردیلر
میندیلر مرکبلره میداندا جولان ویردیلر

شاه دین عاشقلری هم عهدوپیمان اولدولار
گیتدیلر میدانه بیربیر قانه غلطان اولدولار

نوش ایدوب شهدشهادت یار و انصارحسین h
قالدی بیر شاه لب عطشان بیرعلمدارحسین

اذن جنگ آلدی حسیندن عاشق حق الیقین
تلّی آشدی سمتِ میدانه یل ام البنین

مرکب رهوارینه مهمیز ویردی غیضیلن
غیضیله سسلندی الآن جنگیمه کیمدور گلن

اَیُّهَاالکُفّار اولون آماده جنگه یکسره
من حماسه ساز عشقم آند اولا پیغمبره

ای ریاست شوقینه مرکب چاپانلار هارداسوز
لقمه ناپاکیله قدرت تاپانلار هارداسوز

مکر ونیرنگیله خلقی آللادانلار هارداسوز
دینی دیناره ساتوب حقی دانانلار هارداسوز

نایب پیغمبرین حقین یینلر هارداسوز
حیدرکراری نا حق سَبّ ایدنلر هارداسوز

نیتمدور اصغرین قنداقنه اولسون قسَم
کیم حسینه چکسه خنجر ریشه سین یردن کسم

کیمده جرات وار منیله تن به تن جنگ ایلیه
یامنیم تک عرصه گاهی دشمنه تنگ ایلیه

من اوشاقلیقدان تنِ اعدایه وحشت سالمشام
حیدرکرار الیندن لوح غیرت آلمشام

حاجتیم یوخدور ئوزومدن دم ویرام بوحینینده
جنگیمی شمرابن ذی الجوشن گوروب صفینیده:leaves:


بازدید : 1

[ دوشنبه 20 آذر 1396 ] [ 8:20 ] [ اسماعیل عبادی ]
[ ]

بو کوفهٔ ویرانه نی ویران اولا الله

زبانحال حضرت زینب سلام الله علیها در کوفه


محمد هدایتی تبریزی

بخش 1⃣


بو کوفهٔ ویرانه نی ویران اولا الله
بو قان توکن اشخاصی ئورک قان اولا الله


بو نامه یازیب دعوت ایدیب عهد پوزانلار
عمرونده گوروم زار و پریشان اولا الله

کول وار یارالی قارداشمین قانلی یوزونده
خولی نی گوروم قسمتی نیران اولا الله

انصافدی قارداشیم حسین باشی کسیلسین
کول اوسته گلیب خولیه مهمان اولا الله

انصافدی عرشه لچکی زینت اولان باش
سرنیزه نین اوستونده نمایان اولا الله

انصافدی اولاد پیمبر باتا قانه
بیر عدّه شقی شاد و خرامان اولا الله

انصافدی زهرا بالاسی باشدان ئوزه ال
جسمی سویولا ظلموله عریان اولا الله

انصافدی آتلار ایاقی آلتدا وجودی
مین صدمه گوروب خاکیله یکسان اولا الله

انصافدی او نیزه ده من ناقه نین اوسته
بیشرم تماشاجی ده خندان اولا الله

انصافدی سرنیزه اولا منبر حسینه
نی اوسته باشی قاری قرآن اولا الله

انصافدی قرآن اوخویاندا وورولا داش
سرنیزه ده ئوز قانینه غلطان اولا الله

انصافدی گوز یاشی توکاخ ناقه نین اوسته
شهر اهلی ده جشم ایلیه رقصان اولا الله

انصافدی لیلا باخا ئوز اوغلونا حسرت
رخساره توکه گوزیاشی گریان اولا الله

انصافدی اصغر آناسی سینه ده اللر
گوز یاشی توکه سینه سی سوزان اولا الله

انصافدی قاسم آناسی ایلیه ناله
هر شام و سحر آغلیا نالان اولا الله

انصافدی کلثوم گوزی نیزه نی گزسین
عبّاسنی حیران گزوب حیران اولا الله

انصافدی عباس باشی بیر حالا قالسین
احوالینه احبابی نوا خوان اولا الله

الله نه لر اولموشدی او باش دورمادی نی ده
بو ذکر مصیبت نجه عنوان اولا الله

انصافدی اول باش گیده شاماته طبقده
قزلار باجی لار قسمتی حرمان اولا الله

انصافدی زینب باشنا کول سپه اعدا
دل یاره سیده دردینه درمان اولا الله

انصافدی که زینبی مت درده دوشیدی
قارداشلاری ، اوغلانلاری ، قربان اولا الله

بش ایل او خانم لیق ایلین شهرده زینب
انصافدی سرگشته و ویلان اولا الله

عشقین هله وار مین غمی مین درد و بلاسی
بو مرحله نی گئچماقا ایمان اولا الله

الده صدقه یتدی اونا امّ حبیبه
سعی ایلدی کی خدمتی شایان اولا الله

زینب اونی گورجاخ تانیدی قلبی سخلدی
سعی ایلدی اوندان یوزی پنهان اولا الله

زینب نجه دؤزسون بو آغیر محنت و درده
گورسون کی کنیزدن اونا احسان اولا الله

باجائیدی بیر نیزیه باخسین او عفیفه
قارداشنه دل دردینی گویان اولا الله

قارداش بو کنیزیمدی گلیب الده تصدّق
الحق کی گرک گوزیاشیم القان اولا الله

الله دان ئولوم ایستیرم آخر بو نه گوندور
ئولدوم ، اریدیم ، ئولماقیم آسان اولا الله

آخر نه بلالردی گلیر باشیمه بیربیر
حقّا کی گرک همدمیم افغان اولا الله

دردلی ئورگی درده گلیب یاندی آلشدی
قارداشیله درد دله دل آچدی دانشدی

سسلندی که بیر باخ اوجا نی دن منه قارداش
سن ایله تماشا ...

ادامه دارد :arrow_down:



بازدید : 1

[ دوشنبه 20 آذر 1396 ] [ 8:19 ] [ اسماعیل عبادی ]
[ ]

بو کوفهٔ ویرانه نی ویران اولا الله

زبانحال حضرت زینب سلام الله علیها در کوفه


محمد هدایتی تبریزی

بخش 1⃣


بو کوفهٔ ویرانه نی ویران اولا الله
بو قان توکن اشخاصی ئورک قان اولا الله


بو نامه یازیب دعوت ایدیب عهد پوزانلار
عمرونده گوروم زار و پریشان اولا الله

کول وار یارالی قارداشمین قانلی یوزونده
خولی نی گوروم قسمتی نیران اولا الله

انصافدی قارداشیم حسین باشی کسیلسین
کول اوسته گلیب خولیه مهمان اولا الله

انصافدی عرشه لچکی زینت اولان باش
سرنیزه نین اوستونده نمایان اولا الله

انصافدی اولاد پیمبر باتا قانه
بیر عدّه شقی شاد و خرامان اولا الله

انصافدی زهرا بالاسی باشدان ئوزه ال
جسمی سویولا ظلموله عریان اولا الله

انصافدی آتلار ایاقی آلتدا وجودی
مین صدمه گوروب خاکیله یکسان اولا الله

انصافدی او نیزه ده من ناقه نین اوسته
بیشرم تماشاجی ده خندان اولا الله

انصافدی سرنیزه اولا منبر حسینه
نی اوسته باشی قاری قرآن اولا الله

انصافدی قرآن اوخویاندا وورولا داش
سرنیزه ده ئوز قانینه غلطان اولا الله

انصافدی گوز یاشی توکاخ ناقه نین اوسته
شهر اهلی ده جشم ایلیه رقصان اولا الله

انصافدی لیلا باخا ئوز اوغلونا حسرت
رخساره توکه گوزیاشی گریان اولا الله

انصافدی اصغر آناسی سینه ده اللر
گوز یاشی توکه سینه سی سوزان اولا الله

انصافدی قاسم آناسی ایلیه ناله
هر شام و سحر آغلیا نالان اولا الله

انصافدی کلثوم گوزی نیزه نی گزسین
عبّاسنی حیران گزوب حیران اولا الله

انصافدی عباس باشی بیر حالا قالسین
احوالینه احبابی نوا خوان اولا الله

الله نه لر اولموشدی او باش دورمادی نی ده
بو ذکر مصیبت نجه عنوان اولا الله

انصافدی اول باش گیده شاماته طبقده
قزلار باجی لار قسمتی حرمان اولا الله

انصافدی زینب باشنا کول سپه اعدا
دل یاره سیده دردینه درمان اولا الله

انصافدی که زینبی مت درده دوشیدی
قارداشلاری ، اوغلانلاری ، قربان اولا الله

بش ایل او خانم لیق ایلین شهرده زینب
انصافدی سرگشته و ویلان اولا الله

عشقین هله وار مین غمی مین درد و بلاسی
بو مرحله نی گئچماقا ایمان اولا الله

الده صدقه یتدی اونا امّ حبیبه
سعی ایلدی کی خدمتی شایان اولا الله

زینب اونی گورجاخ تانیدی قلبی سخلدی
سعی ایلدی اوندان یوزی پنهان اولا الله

زینب نجه دؤزسون بو آغیر محنت و درده
گورسون کی کنیزدن اونا احسان اولا الله

باجائیدی بیر نیزیه باخسین او عفیفه
قارداشنه دل دردینی گویان اولا الله

قارداش بو کنیزیمدی گلیب الده تصدّق
الحق کی گرک گوزیاشیم القان اولا الله

الله دان ئولوم ایستیرم آخر بو نه گوندور
ئولدوم ، اریدیم ، ئولماقیم آسان اولا الله

آخر نه بلالردی گلیر باشیمه بیربیر
حقّا کی گرک همدمیم افغان اولا الله

دردلی ئورگی درده گلیب یاندی آلشدی
قارداشیله درد دله دل آچدی دانشدی

سسلندی که بیر باخ اوجا نی دن منه قارداش
سن ایله تماشا ...



ادامه دارد :arrow_down:



بازدید : 1

[ دوشنبه 20 آذر 1396 ] [ 8:18 ] [ اسماعیل عبادی ]
[ ]

سسلندی که بیر باخ اوجا نی دن منه قارداش

زبانحال حضرت زینب سلام الله علیها در کوفه


محمد هدایتی تبریزی

بخش 2⃣


سسلندی که بیر باخ اوجا نی دن منه قارداش
سن ایله تماشا نیزه نیزده سنه قارداش

من عاشقوم بند اسارت نیه لازم
چون گلّم ئوزوم سن چکیلن مسکنه قارداش

طوفانه دوشوب قافله ای قانلی صفینه
گل قافلهٔ زینبی چک ایمنه قارداش

آل زینبوین گویلونی چوخ غصّه سی واردور
حسرت باخیر اول چهرهٔ مستحسنه قارداش

یوخ حسنی دؤیولماقمی ایتسم سنه تشریح
قمچی یئری جسمیمده دونوب سوسنه قارداش

کول باشلیلارین بعضی سپیر باشیمزه کول
بعضی لری داشلاری یغیب دامنه قارداش

کول باشمه خاکستر اوتورموش گل ئوزنده
وار حقّی باجون ایندی گله شیونه قارداش

حرمتدی ایدیب کوفه لی لر خسته قوناقه
لعنت گله بو فرقهٔ اهریمنه قارداش

قربان یارالی لبلره ای یاره لی قاری
قرآن اوخی بو فرقهٔ دل آهنه قارداش

بو قوم سیه دلده اثر ایلدی شاید
اولسون اولا بعضی سی هدایت گئنه قارداش

ای مأمن عالم سنه یوخ کوفه ده مأمن
سن تک باجوین چاتمیر الی مأمنه قارداش

ایوای منه وار تازه یارا قانلی باشندا
کیم یاره ووروبدور او سر احسنه قارداش

زینب نجه دوزسون بو قدر درد و بلایه
طوفان بلا اسدی بیزیم گلشنه قارداش

باشین اوجا نی ده بدنین کرب و بلاده
قانین وُروری تیشه بن دشمنه قارداش

باش ویردین اوجالدین ، ولی من محنته قالدیم
مشکلدی اسارت فقراتی منه قارداش

قرآن اوخی مشغول ایله سن باشوه خلقی
بیزده چکیلاخ سلسله ده برزنه قارداش

ارزنده سوزه مشتری یوخ حیف اولا بوردا
آلمور بولار آیات حقی ارزنه قارداش

بوردا آتامین باشنه شمشیر وُرولدی
ئولدی آتامیز کوچ ایلدیخ میهنه قارداش

ایندی ولی بو قوم تبهکاره اسیرم
مشکدی چاتا بیرده الیم موطنه قارداش

غم سینه می تنگه گتیریب قلبیم آلشدی
گویا اوجا داغدور که دوشوبدی چنه قارداش

ایوای نیه بس کوفه نین اهلی بیزی داشلور
یاندی ئورگیم باشی دونوب گلخنه قارداش

سائل قاپی میزدان الی بوش گتمیوب اصلا
محتاجدی باجون ولی پیراهنه قارداش

سویموشدی یارالی بدنون قوم جفا جو
ایتمشله طمع اوخ داغیدان پیرهنه قارداش

ایکاش آنام ایندی ساغ اولیدی بو مکاندا
لازمدی قزین دادینه یتسین ننه قارداش

بو جور و جفایه ننه م امّا دوزه بیلمز
روشن دیدیقیم مطلبیم اهل فنه قارداش

صبریم شوشه سی سنگ شماتتله داغلدی
ناگه توخانیب داش ایله بیل نشکنه قارداش

بو مرحلۀ سختی نجه باشه ویریم من
سن ایله دعا دونسون ایشیم اهونه قارداش

بیر خطبۀ غرّا اوخودوم بوردا آتام تک
سالدی سخنیم کوفیه بیر طنطنه قارداش

ارشاد ایلدیم خطبه میله کوفه نین اهلین
جوش ایلدی هم میسره هم میمنه قارداش

الکندی (هدایت) دئیه بیلمیر سوزی واضح
لطفیله ئوزون باخگیله اول الکنه قارداش



بازدید : 1

[ دوشنبه 20 آذر 1396 ] [ 8:18 ] [ اسماعیل عبادی ]
[ ]

حسین جان دور یولا سال کاروانی


کوچ از قتلگاه

حسین جان دور یولا سال کاروانی
بو صحراده قالوب آواره زینب
قالوب عریان جنازون قوملار اوسته
تاپانمور دردیوه بیر چاره زینب


سینونده یاره چوخدی
اونا یوخ سای حسینیم
منی دیندیر یارالی
حسینیم وای حسینیم

سوسوز الده ئولن عطشان حسینیم
یارالی جانیوه قربان حسینیم





حسین جان سن ئوزون جان جهان سان
بو یورقون زینبه عشقیله جان وئر
کسلمیش خنجریله اولسا امکان
دالیمجان یا حسین باری اذان وئر

سنه ای گول نه گلدی
بیله قالدون چمن سیز
نیه باشسیز جنازون
قالوب چولده کفن سیز

سنی ئولدوردولر اللرده قارداش
سنه من آغلارام چوللرده قارداش





آنام زهرایه آند اولسون حسین جان
دئمم هئچ زینب نالانی دیندیر
ربابین گویلین آل قلبی سنق دی
جوان اوغلی ئولن لیلانی دیندیر

گئدور شاماته سندن
باجون چوخ ناگراندی
دانشیدیر نو عروسی
نجه گور باغریقاندی

اونون طوی حجله گاهی یاندی قارداش
طویون دامادی ده دوغراندی قارداش



بازدید : 0

[ دوشنبه 20 آذر 1396 ] [ 8:17 ] [ اسماعیل عبادی ]
[ ]

آشیانی اودلانان قوشلار چمن سیزدور بوگون

خطاب به حضرت امیرالمؤمنین علیه السلام در روز یازدهم محرم


مرحوم سعدی زمان


آشیانی اودلانان قوشلار چمن سیزدور بوگون
یا علی گل هارداسان اوغلون کفن سیز دور بوگون


سندس و استبرقه ناز ایلین بیر جسم پاک
گون قباقیندا قالوب عریان یارالی چاک چاک
گون لحافی بستری آلات حرب و خون و خاک
کیم دیر دشت بلا لعل یمن سیزدور بوگون


وار یری فخر ایلسون فردوسه دشت کربلا
کربلانی دولدوروب عطر حسینی برملا
غبطه ایلر کربلا توپراقینه چین و ختا
کیم دیر دشت بلا مشک ختن سیز دور بوگون


ایلیوب آل امیه بیر جسارت یاعلی
اولمیوب اولماز گورن بیله شقاوت یاعلی
باغلانوبدور قو ل قولا آل رسالت یاعلی
سانما بیر قول آل عصمتدن رسن سیزدور بوگون


تشنه قربانلار ائدوب کرب و بلا دشتین منا
دین اسلامه بو قربانلار اولوب عطشان فدا
سویمیوب تنها حسینون رختینی اهل جفا
دین حق قربلانلاری یکسر کفن سیز دور بوگون


گلستانین گوللری گلچین ائدوبدور تارمار
نه قالوبدور غنچه ، نه بیر گول ، نه برگ شاخسار
ایلیوب گُل پالری ، مجروح جور نوک خار
قول قانادسیز قوشلارین سرو سمن سیز دور بوگون



سن ئولن گون زینب کبرانین ای شیر خدا
گوز یاشین سیلدی یوزوندن هم حسین هم مجتبی
مجتبی ئولدی تسلی وئردی شاه کربلا
زینبون اما حسین سیز هم حسن سیزدور بوگون


ای جنینی سقط اولان ، درگاهی ظلمیلهb یانان
پرده پرده غنچه تک غمدن اولاندا باغریقان
رسم عالمدور آنایه قیز ائدر دردین بیان
نیلسون بس زینب بیچاره سن سیز دور بوگون


ای ولیِّ عصر ای شاه ملائک پاسبان
شاه ائدر مدّاح دربارین همیشه کامران
سیزلره یوخسا دگول مداح «سعدی زمان»؟
رحم ایله آخر گورورسن رحم ائدن سیزدور بو گون



بازدید : 0

[ دوشنبه 20 آذر 1396 ] [ 8:16 ] [ اسماعیل عبادی ]
[ ]