بانک کتاب طراحی فروشگاه اینترنتی ویزای کانادا سگ هاسکی سگ پامرانین تور ترکیه تور روسیه بهینه سازی سایت برای موتور های جستجو ویزای ترکیه > ثبت لینک <
بستن تبلیغات [X]
ال سینه ده ویرانه بوجاقینده رقیّه جان ویردی آتا باشی قوجاقینده رقیّه : گلچین نغمه های غم 12

نت پیانو نت ویولن نت سنتور نت گیتار

ال سینه ده ویرانه بوجاقینده رقیّه جان ویردی آتا باشی قوجاقینده رقیّه

ال سینه ده ویرانه بوجاقینده رقیّه
جان ویردی آتا باشی قوجاقینده رقیّه



غسّاله گلوب غسل ایده اول جسم ضعیفه
گوردی ایله پژمرده یاتوبدور او عفیفه
نه بالشی واردور نه وار اوستونده قدیفه
چوخ ناله ایدوب آغلیوب آخِر نفسینده
گویا قنادی باغلی قوش ئولموش قفسینده

تل تل توکولوب طرّه لری ماه لقایه
گیسولر سنبلدی باتوب خاک فنایه
بنزر دهنی غنچه پر عطر و صفایه
لعلی دوداقی قامت رعناسی گوزلدی
ابرولری کیپریکلری سیماسی گوزلدی


بیر کهنه قبادی صورا یوخ آیری لباسی
باشیندا آتا قارداشینون واردی قراسی
گاهی بیبیسی اوخشور اونا گاهی آناسی
غم گردینه آلوده اولوب چهره ی آفاق
بیر عدّه یتیمه سووورور باشینه تپراق

زینبدن آلوب عورت غسّاله اجازه
غسل ایلیه دلبند شهنشاه حجازه
تا ایستدی وورسون الینی اول گل نازه
آهسته سویوندور دیدی خاتون مکرّم
غسّاله مراعات ایله یورقوندی رقیّم

سالموش نه حالا گور بالامی درد اسارت
زندانی ایدوب چکمدی شام اهلی خجالت
ئولمزدی بو مظلوم بالا ئولدوردی شماتت
آز عمر ایلدی قلبی غمیله دولی گیتدی
زهرا آناما بنزدی زهرا یولی گیتدی

اول گونکه قدم محبس اغیاره قویوبدی
گوندوزلری هجران غمی آواره قویوبدی
زیبا یوزونی چوخ گجه دیواره قویوبدی
دائم بالاجا اللری بوینوندا قالوبدی
گیتموبدی طنابین یری بوینونا قالوبدی

آگهدی بو مظلوم بالانون دردینه زینب
شاماته کیمی زجر ایلیوب یولدا معذّب
سن غسل ویرنده بوله جاقسان ندی مطلب
بو سهلیدی گل تک یوزونون رنگی سولوبدی
قمچی اثریندن بدنی یول یول اولوبدی

غسّاله سویوندوردی او مظلومه بالانی
گورسندی گوزه قمچی لرین ردّ و نشانی
زهرا قیزینون قلبیده آرتدی ضربانی
ال آتدی خانملار باشنا گلدی نوایه
غسّاله ده سس ویردی قوشولدی اسرایه

سوز چوخدی اگر یازسام اورکلر اولی شان شان
تشریحینه مشکلدی دوام ایلیه انسان
غسّاله غرض ویردی اونون غسلینه پایان
عرض ایلدی خلعت گتیرون تا کفن اولسون
زینب دیدی آق یوخدی قرا پیرهن اولسون

سوز چکدی سوزی خامه بو مشکل سوزی یازدی
مین ایلده اکر عمر ایلسوق آغلاسوق آزدی
دیلر بالاجا قبرین اونون عمّه سی قازدی
اول قبر که مشتاقی اونون چوخدی دوزلدی
کفن ایلدیلر نوبه صورا دفنینه گلدی


اشک اسرا طعنه ووروب بارش ابره
بیر سوز دیدی زینب دوشوب اود خرمن صبره
بو نازلی رقیّمدی گیدور خانه ی قبره
دویسا هامی بوندان بولوسوز عمّه سی دویماز
ایستکلی سینی قبره بو اسانلوقا قویماز

حسرتله آخوب شامیده بیر کوکب اقبال
قبری اولاجاق شیعه لره کعبه ی آمال
شهزاده دی دفنینده گرکدی اولا اجلال
نوحه ایله اولار هر ئولونون بزمی مجلّل
کلثوم بو مظلوم بالانی اوخشاسون اوّل

زهرا قیزی زهرا قیزینون یاندی سوزوندن
اوّل خم اولوبدور بالانون ئوپدی یوزوندن
بیر یاندریجی سوز دیدی اشک آخدی گوزوندن
ای بیر ائلون ایستکلیسی تیز دویدون ائلوندن
صغرایه نشان ویر آپاروم قاره تلوندن

مشق آلدی سکینه گوزی یاشلی بیبی سیندن
گَتدی دله بیر سوز اسرا ایلدی شیون
دلدن نه دوشوبسن باجی گل بیر دله دللن
غم گلشنینون بلبلی سن نغمه وی کسمه
اکبر یاننا گیتماقا بو قدری تلسمه

نوبت یتیشوب تازه گلین ایلدی گفتار
افسوس گلینلیق آدی اوستومده منیم وار
باش آچمورام علّت اودی بو بزمیده ناچار
قورخوم بودی محنتلی سریّه سنا مندن
امّا اورگیم نیلیوم آیریلموری سندن

بیر بیر هاموسی اوخشادی اول غنچه ی نازی
قورتاردی یانان شمعلرین سوز و گدازی
زینب چاغیروب همسر سلطان حجازی
یوز دوتدی ربابه دیدی ای ماه حجیزیم
بیز نوحه دیدوق سن نیه دینمورسن عزیزیم

عرض ایتدی خانم دردیمه گیزلینده یانوردوم
ویرانه بوجاقینده گیدوب دالدالانوردوم
نیلوم قاباقا گلماقا سندن اوتانوردوم
ای شمس حیا بانوی محبوب و عزیزه
یاخشی کرم ایتدون بو اورک داغلی کنیزه
هر چند خانم بحر مصیباتیده غرقم
غمدن صورا یوخدور بو گونی قاریه همدم
چوخ سوز دیمرم چونکه مسافردی رقیّم
کافیدی بو صحبت اورگون ایستین ئولدی
باشون صاق اولا اصغره لایلای دین ئولدی:leaves::palm_tree::leaves::palm_tree::leaves::palm_tree::leaves::palm_tree::leaves::palm_tree::leaves::palm_tree::leaves::palm_tree:http://t.me/naghmehaye_gham



بازدید : 4

[ چهارشنبه 24 آبان 1396 ] [ 5:51 ] [ اسماعیل عبادی ]
[ ]